Sector da Autonómica da FSC de CCOO de Galicia

FUNCIÓN PÚBLICA PRETENDE “GUILLOTINAR” O CONCURSO DE TRASLADOS DO PERSONAL LABORAL DA XUNTA DE GALICIA

2012-01-26T21:23:00.001+01:00

CCOO considera inaceptable que retiren 1000 prazas do concurso de traslados do persoal laboral

CCOO considera inaceptable que Función Pública, despois de máis de 5 anos sen convocar un concurso de traslados, pretenda retirar abruptamente mais de 1000 prazas do concurso de traslados do persoal laboral da Xunta de Galicia.

CCOO considera incomprensible, inxustificable, intolerable, insultante e inaceptable que os xestores da Función Pública Autonómica, seguindo directrices políticas e, probablemente, intereses espurios, pretendan retirar abruptamente do concurso de traslados 670 prazas pertencentes ao proceso de consolidación e as mais de 330 prazas do proceso de estabilización.

Ler máis ...

TRIBUNA XANEIRO 2012

2012-01-25T18:37:00.001+01:00

A nova máis destacada do que vai do mes de xaneiro, en espera de outras posibles novidades, foi a aprobación na Comisión de Persoal do proxecto de decreto marco que regula os Entes Públicos establecidos na LOFAXGA, e que supón un paso importante para regularizar a administración paralela.

Este é o sumario do Tribuna do mes de xaneiro:

Pax. 1) Aprobouse o Decreto marco de creación, modificación e/ou extinción de Entes Públicos previsto na LOFAXGA.

Pax. 2) Opina, se queres: "Se va para Barranquilla"

Pax. 3) Retribucións 2012. Sinvergonzas S.E.

Pax. 4) Calendario laboral 2012

CCOO DENUNCIA QUE A CONSELLERIA DE CULTURA MENOSPREZA AOS SEUS TRABALLADORES/AS

2012-01-24T09:10:00.000+01:00

CCOO CRITICA QUE, EN CASE 3 ANOS DE GOBERNO, NON FORAN CAPACES SIQUERA DE APROBAR UNHA NOVA RELACIÓN DE POSTOS DE TRABALLO

CCOO denuncia que os irresponsables dirixentes da Consellería de Cultura, agora chamada de Cultura, Educación e O.U., seguen menosprezando a labor que realiza o persoal dos seus propios centros de traballo, en particular, a dos que traballan nas Bibliotecas, Arquivos e Museos, pois en case tres anos de goberno do PP, eses “indolentes dirixentes”, aínda non foron capaces tan siquera de aprobar a nova relación de postos de traballo (RPT).

Ler máis ...

RESUMO XUNTANZA NEGOCIACIÓN RPT CENTROS DA CONSELLERÍA DE TRABALLO E BENESTAR

2012-01-22T22:44:00.000+01:00

CCOO ESIXE A INMEDIATA RETIRADA DESTA PROPOSTA QUE SUPÓN A PRIVATIZACIÓN DOS SERVIZOS SOCIAIS NA XUNTA DE GALICIA

O 18 de xaneiro celebrouse, nas dependencias da Consellería de Traballo e Benestar, unha xuntanza na que se nos informa da proposta de modificación da RPT dos Centros de Benestar, que supón:

- O peche do Centro de Menores de Montealegre.

- A amortización de 35 postos de traballo.

- O peche do Centro de Menores Soutomaior.

- A modificación de requisitos para acceder a determinadas prazas.

Ler máis ...

CCOO EMPRAZA A NUÑEZ FEIJOO A QUE NON UTILICE A DEMAGOXIA PARA XUSTIFICAR OS RECORTES NA FUNCIÓN PÚBLICA

2012-01-20T10:16:00.000+01:00

CCOO REXEITA AS PRETENSIONS DE NUÑEZ FEIJOO DE UTILIZAR NOVAMENTE AOS EMPREGADOS PÚBLICOS COMA CHIVOS EXPIATORIOS

Ante as informacións aparecidas en distintos medios de comunicación sobre as supostas pretensións do Goberno da Xunta de Galicia de aplicar novos recortes na Función Pública Autonómica, CCOO manifesta descoñecer as pretensións reais do Goberno, ao tempo que lle lembra aos dirixentes autonómicos que tódalas materias relativas ao persoal deben ser presentadas, tratadas, analizadas e negociadas obrigatoriamente nas Mesas de Negociación da Función Pública establecidas legalmente ao efecto. É alí onde os emprazamos a que presenten as propostas para que, a través do diálogo e con luz e taquígrafos, podamos contrarrestalas con outras propostas mais viables, coherentes e útiles para enfrontármonos á crise con responsabilidade e sen necesidade de termos que sufrir recortes sempre os mesmos.

Descargar nota de prensa.

CCOO EMPRAZA A NUÑEZ FEIJOO A QUE PARALICE A PRIVATIZACION DOS SERVICIOS SOCIAIS

2012-01-19T13:40:00.000+01:00

CCOO denuncia que o Goberno Autonómico opta por desmantelar servizos esenciais para favorecer intereses empresariais en detrimento do interese público

CCOO esíxelle aos integrantes do goberno popular a que empecen a gobernar con responsabilidade e deixen xa de facer negocio a conta dos servizos públicos e dos cidadáns de Galicia.

CCOO, ante a publicación no DOG de varios anuncios polos que o Consorcio Galego de Benestar e Servizos Sociais licita a privatización da xestión de varias escolas infantís, rexeita totalmente tal pretensión e demándalle a Núñez Feijoo que mude as súas políticas depredadoras de servizos esenciais como son as Escolas Infantís ou os Centros de Dia, entre outros.

Descargar nota de prensa

XUNTANZA CONSELLERIA DE TRABALLO E BENESTAR – COMITÉ INTERCENTROS

2012-01-16T13:38:00.000+01:00

O 12 de xaneiro, celebrouse unha xuntanza, na Consellería de Traballo e Benestar, para tratar dous puntos da orde do día:

Negociación da RPT da Consellería: No DOG do 12 de xaneiro publicouse a modificación da RPT referente as escolas infantís.

Instrucións sobre compensacións por traballo en domingos e festivos: xustifican a intención das instrucións que, non era outra que tratar de unificar criterios e establecer mecanismos homoxéneos que fosen de común aplicación a tódolos centros.

Ler máis ...

CCOO OPONSE Á DIVISIÓN DO CORPO DE AXENTES FORESTAIS E MEDIOAMBIENTAIS EN DÚAS CONSELLERÍAS

2012-01-11T14:05:00.000+01:00

A DIVISIÓN DO CORPO DE AXENTES PENALIZA A EFICTIVIDADE E A OPTIMIZACIÓN DOS RECURSOS PÚBLICOS

A reestruturación da Xunta de Galicia mediante a redución a oito consellerías conlevou á asignación de persoal das escalas de Axentes Facultativos Medioambientais e da de Axentes Forestais a dúas consellerías distintas, cando está sobradamente demostrado que integrados nunha mesma consellería son máis efectivos e optimízanse mellor os recursos públicos.

Esta división non é nova para estes traballadores, pois xa co goberno bipartito se fixo esta manobra que obtivo moi malos resultados na xestión, tanto na loita contra os incendios forestais e coma na vixilancia e protección do Medio Ambiente.

Descargar nota de prensa

APROBASE O DECRETO MARCO DE CREACIÓN, MODIFICACIÓN E/OU EXTINCION DE ENTES PÚBLICOS PREVISTOS NA LOFAXGA

2012-01-10T17:39:00.000+01:00

O pasado 3 de xaneiro tivo lugar unha xuntanza da Comisón de Persoal da Xunta de Galicia, na que se aprobou o Decreto Marco de creación, modificación e extinción dos Entes Públicos.

Cómpre destacar deste decreto o seguinte:

1. Ningún Ente Público terá a capacidade de contratar ou seleccionar persoal propio.

2. Os procesos de provisión e selección do persoal destes Entes Públicos serán regulados e realizados por función pública.

3. As cuestións económico-laborais que afecten o persoal dos Entes Públicos, negociaranse coas organizacións sindicais representativas de Función Pública, así como as RPT,s dos devanditos entes.

Ler máis ...

XUNTANZA COMITÉ INTERCENTROS SEGURIDADE E SAÚDE LABORAL

2012-01-03T01:10:00.001+01:00

Na xuntanza do Comité Intercentros de Saúde Laboral da Xunta de Galicia que se celebrou o 22 de decembro se trataron os seguintes puntos:

1.- Avaliacións de riscos laborais.- Os representantes da Administración comentaron que na actualidade hai poucas dispoñibilidades orzamentarias para aplicar as medidas correctoras dos plans de avaliación.

2.- Medidas de emerxencia. A Administración manifestou que incorporará nos plans de avaliacións de cada centro, un anexo coas medidas de emerxencia para o caso dunha evacuación

3.- Formación en prevención. O tema a tratar foron os cursos de primeiros auxilios e os de riscos laborais para o persoal de tarefas administrativas

Ademais, previo a esta xuntanza do Comité Intercentros de Saúde Laboral, tivo lugar a da Comisión Paritaria de seguimento do acordo de participación en materia de prevención de riscos laborais.

Ler máis ...

CCOO OPONSE AOS NOVOS AXUSTES DO GOBERNO DO ESTADO

2012-01-02T10:44:00.009+01:00

OS AXUSTES ANUNCIADOS POLO GOBERNO CENTRAL SUPOÑEN: MENOS EMPREGO PÚBLICO, MENOS E PIORES SERVIZOS PÚBLICOS E MAIS PERDA DE PODER ADQUISITIVO PARA OS EMPREGADOS PÚBLICOS

CCOO OPONSE A ESTAS MEDIDAS PORQUE SUPOÑEN AFONDAR AINDA MAIS NA RECESIÓN ECONÓMICA POLA VIA DE INCREMENTAR O PARO, REDUCIR O CONSUMO E CARGAR MAIORITARIAMENTE OS CUSTOS DA CRISE SOBRE AS RENDAS MAIS BAIXAS

Para CCOO as medidas anunciadas polo Goberno Central, no consello de ministros do 30 de decembro, supoñen mais sacrificios (inútiles) para os de sempre, pois coas medidas anunciados seguirá incrementándose o paro, haberá menos consumo e terán que pagar mais impostos, os que menos teñen, para finalmente ter peores servizos públicos.

Descargar Nota de Prensa

TRIBUNA DECEMBRO 2011

2011-12-29T09:37:00.001+01:00

Xa remata o ano e con el acompañamos o Tribuna do mes de decembro no que o seu artigo de portada fai unha reflexión sobre as posibles medidas non gratas para os empregados públicos que poda tomar o novo Goberno do Estado.

Sumario:

Pax. 1) Ano I da era Mariano: Recortes, Axustes e outras medidas Non Gratas.

Pax. 2) ¡¡ULTIMAS NOVAS!!: Acción sindical, procesos selectivos, concurso de traslados, certificación galega de competencias en ofimática, RPT,s,

Pax. 3) ¡¡¡ULTIMAS NOVAS!!!: Plan formación continua EGAP 2012, FAS-2011. De perdices e mareos

Pax. 4) Amonestacións do mes!!!!!!!!

XUNTANZA FUNCIÓN PÚBLICA - SINDICATOS. DECRETO CERTIFICACIÓN DE COMPETENCIAS DIXITAIS EN OFIMATICA

2011-12-27T10:03:00.000+01:00

CCOO OPONSE Á APLICACIÓN SEN NEGOCIACIÓN DO DECRETO 218/2011

O 21 de decembro celebrouse, a petición de CCOO, unha xuntanza para esixir a retirada ou a renegociación do Decreto 218/2011, polo que se regula a certificación galega de competencias dixitais en ofimática.

Nesta xuntanza, tal como recollemos nas alegacións presentadas, CCOO plantexou:

Que a pesar de que afecta directamente aos empregados públicos non fora negociado nas mesas de negociación correspondentes.

Ler máis ...

XUNTANZA NEGOCIACIÓN ACORDO CONDICIÓNS TRABALLO AXENTES FORESTAIS/MEDIOAMBIENTAIS

2011-12-26T10:06:00.000+01:00

O 22 de decembro, tras un retraso pouco xustificable, por fin celebrouse a xuntanza da Mesa de Seguimento do Acordo de Axentes Forestais, tal como habían anunciado na anterior xuntanza do 24 de novembro.

Á mesma acudiron en representación da Consellería, persoas de terceira e cuarta fila na responsabilidade que nin sequera se dignan a tomar notas do que alí se fala, e que xa deixaba ás claras cal podía ser o resultado final.

Ler máis ...

XUNTANZA NEGOCIACIÓN COMISIÓN TÉCNICA

2011-12-23T11:16:00.000+01:00

MELLORA E FUNCIONAMENTO DOS PROCESOS SELECTIVOS DA XUNTA DE GALICIA

CCOO considera que os avances na negociación do texto do Decreto de Selección de Persoal e nos da Instrución de Funcionamento dos Tribunais son aínda insuficientes.

Tras moitas xuntanzas celebradas desde hai máis de un ano sobre estas materias e, logo de que presentaramos múltiples alegacións ao texto proposto pola Administración, desde CCOO consideramos, e así o manifestamos na xuntanza do 21 de decembro, que a posibilidade de chegar a un acordo pasaría, entre outras cuestións, por incluír reivindicacións que, para a nosa organización, constitúen as liñas roxas nesta negociación.

Ler máis ...

CCOO OPONSE Á ELIMINACIÓN DOS DESCANSOS POR TRABALLO EN DOMINGOS E FESTIVOS

2011-12-22T09:48:00.000+01:00

Ante a recente información da existencia dunha suposta instrución, emitida pola Secretaria Xeral Técnica da Consellería de Traballo e Benestar, dirixida ás direccións dos distintos centros dependentes desta Consellería, co suposto fin de homoxeneizar e a suposta pretensión de ter un único criterio para o persoal que traballa a quendas, dende CCOO queremos recordarlle á Secretaria Xeral que calquera instrución que afecte ás condicións de laborais dos traballadores/as debe ser negociada e tamén posta en coñecemento dos seus representantes sindicais antes da súa suposta difusión e/ou aplicación unilateral.

Ler máis ...

XUNTANZA CONSELLO ASESOR INTEGRACIÓN DISCAPACIDADE

2011-12-21T09:51:00.000+01:00

Na xuntanza do Consello Asesor para a Integración da Discapacidade na Función Pública, celebrada o 30 de novembro de 2011, a anterior fora o 26 de marzo de 2010, tratáronse as seguintes cuestións:

a) Modificación do Acordo do Consello da Xunta de Galicia polo que se aproba o plan de acción integral para as persoas con discapacidade de Galicia 2010 – 2013.

b) Constitución dunha Comisión de Catálogo de Postos de Traballo, para elaborar un estudio sobre os grupos, tipoloxía, e perfís da discapacidade.

Ler máis ...

RESUMO COMISIÓN DE PERSOAL DO 16/12/2011

2011-12-20T08:33:00.000+01:00

O 16 de decembro celebrouse a xuntanza da Comisión de Persoal onde se tratou o seguinte orde do día.

Punto 1.- Corrección de erros da vixente RPT da Conselleria de Traballo e Benestar.

Punto 2.- Proposta de modificación da RPT da Consellería de Traballo e Benestar.

Punto 3.- Proposta de modificación da RPT da Consellería de Educación e O.U.

Punto 4.- Rogos e preguntas: decreto de integración; convocatorias pendentes; concursos de traslados e regulamento permisos.

Ler máis ...

CCOO ESIXE A INMEDIATA DISOLUCIÓN DO CHIRINGUITO SEAGA

2011-12-16T10:44:00.000+01:00

A CIG PRETENDE ESTAR NA MISA E REPICANDO E COA XUDICIALIZACIÓN DA TEMPORALIDADE LABORAL PERPETRA UN NOVO ENGANO A TODO O PERSOAL LABORAL DO SPDCIF

CCOO afirma que Medio Rural, xunto coa CIG, son cómplices e responsables da actual situación de deterioro do Servicio Público de Extinción de Incendios Forestais de Galicia (SPDCIF).

CCOO esixe a inmediata disolución do chiringuito SEAGA, pois xa era un instrumento clientelar, creado polo bipartito, e agora co PP, converteuse nun monumental despilfarro para o erario público galego como consecuencia da súa ineficacia e das irregularidades e ilegalidades existentes na súa xestión.

Descargar nota de prensa.

COMISIÓN DE PERSOAL DO 13/12/2011

2011-12-15T08:39:00.001+01:00

Como continuación da nota informativa resumo da mesa xeral do 7 de decembro, informamos do sentido do voto nos puntos que conformaron a orde do día da Comisión de persoal do día 13:

· Na RPT do IGE, deixamos constancia na acta de que o remanente entre as dúas prazas que se amortizan e a que se crea debe quedar no capítulo I para atender outras necesidades que poideran xurdir. Ao final da comisión acercouse a secretaria do IGE e nos dixo que xa lle dixeran a Función Pública que deixaran ese remanente para pagar trienios dos laborais e dos funcionarios (capitulo I en definitiva). En canto ao noso voto, ABSTIVÉMONOS, xa que consideramos perigoso a apertura a outras administracións da praza de Técnico facultativo de grao medio (aínda que nos demostraron que tiveran dificultades para cubrila con persoal da Xunta de Galicia).

· Na de Sanidade votamos EN CONTRA xa que tal e como puxemos na nota referida anteriormente non aceptaron ningunha das nosas alegacións.

· A RPT de Traballo retirárona do orde do día e queda para outra que vai a haber o venres 16 de decembros xunto cunha corrección de erros da última RPT aprobada que ten que ver con pluses.

· Na Consellería do Mar manifestamos que non tiñamos nada que decir ao respecto da creación da plaza por sentencia pero que non estabamos de acordo coa amortización da praza. O voto foi EN CONTRA.

CONSTITUCIÓN COMITÉ SEGURIDADE E SAUDE LABORAL CONSELLERÍA DE TRABALLO E BENESTAR

2011-12-14T10:25:00.000+01:00

O 28 de novembro de 2011 constituíuse o Comité de seguridade e saúde da Consellería de Traballo e Benestar.

Un dos puntos da orde do día era “abordar a problemática da existencia dunha posible praga por determinar na Residencia de Maiores Nosa Señora dos Milagres de Ourense”.

Tratouse tamén o informe de siniestralidade da Consellería, contando os accidentes con baixa médica.

Ler máis ...

RESUMO MESA XERAL DE EMPREGADOS PÚBLICOS

2011-12-13T11:06:00.001+01:00

O 7 de decembro celebrouse a xuntanza da Mesa Xeral de Empregados/as Públicos onde se tratou o seguinte orde do día.

1.- Proposta de modificación da RPT do Instituto Galego de Estatística.

2.- Proposta de modificación RPT da Consellería de Sanidade.

3.- Proposta de modificación RPT da Consellería de Traballo e Benestar.

4.- Proposta de modificación RPT da Consellería do Mar.

5. Rogos e preguntas.- Neste apartado, CCOO pretendía preguntar pola publicación do Decreto 218/2011, que regula a certificación galega de competencias dixitais en ofimática, que foi tramitado sen pasar polas mesas de negociación de Función Pública, posto que nos seus artigos 4 e 6 recolle cuestións, que afectan ao persoal funcionario e laboral da Xunta de Galicia. Non se nos permitiu formular a pregunta.

Ler máis ...

XUNTANZA APROBACIÓN FONDO ACCIÓN SOCIAL 2011 XUNTA DE GALICIA

2011-12-12T10:57:00.000+01:00

Na xuntanza da Mesa de Negociación do FAS-2011, celebrada o 7 de decembro de 2011, acordaronse os criterios de reparto para o presente exercicio.

Ademais de pequenas melloras técnicas e da aceptación dalgunhas propostas presentadas por CCOO, respecto do texto do ano anterior, a novidade mais salientable foi que, a administración, a pesar da conxelación aplicada no presente exercicio, manifestou a vontade de cumprir o acordado:

- Un incremento mínimo de 4 millóns de euros, entre o ano 2010 e o 2013.

- Acadar o 1% da masa salarial do capitulo I, no ano 2014.

Ler máis ...

Descargar proposta de CCOO

XUNTANZA COA SECRETARÍA XERAL TÉCNICA DA CONSELLERÍA DE PRESIDENCIA, AAPP E XUSTIZA

2011-12-09T16:22:00.000+01:00

- PREVENCIÓN RISCOS LABORAIS NA XUNTA DE GALICIA –

O 29 de novembro representantes de CCOO mantiveron unha xuntanza con representantes da Secretaría Xeral Técnica da Consellería de Presidencia, Administracións Públicas e Xustiza na que se abordaron temas relacionados coa prevención de riscos laborais que afecta ao persoal funcionario e laboral da Xunta de Galicia.

Os temas que se puxeron sobre a mesa foron os seguintes:

- Publicación do protocolo de riscos psicosociais.

- Aplicación das avaliacións de riscos.

- Contrato para as actividades preventivas.

Ler máis ...

RESUMO XUNTANZA COMISIÓN DE PERSOAL DO 02/12/2011

2011-12-05T17:32:00.000+01:00

Ás 14.00 horas do 2 de decembro celebrouse a xuntanza da Comisión de Persoal coa seguinte orde do día.

1.- Proposta de modificación da RPT do Instituto Galego de Consumo.- Na que CCOO votou en contra.

2.- Proxecto de Estatutos do organismo autónomo Instituto de Estudos do Territorio.- CCOO votou a favor.

3.- Proxecto de decreto polo que se aproba o Estatuto de Augas de Galicia.- Tamén CCOO votou a favor.

4.- Proxecto de orde pola que se regula a notificación do recibo mensual de haberes por medios electrónicos.- Este punto era so obxecto de información no senso de que a partir do 1 de xaneiro todo o persoal recibirá a nómina vía correo electrónico.

Ler máis ...

COMITÉ DE SEGURIDADE E SAÚDE LABORAL DOS SERVICIOS CENTRAIS DA XUNTA DE GALICIA

2011-12-04T18:40:00.001+01:00

O 30 de novembro constituíuse o Comité de Seguridade e Saúde Laboral dos servicios centrais da Xunta de Galicia. Este comité non se xuntaba dende marzo do ano 2008. Os puntos que cómpre sinalar neste Comité son:

- Informan das avaliacións de risco realizadas no ano 2010 e 2011 nos centros de traballo de servicios centrais. Aclaran que a avaliación do Edificio dos Espellos, que se fixo xa hai máis dun ano estará á nosa disposición en breve.

- Igualmente comunican que o programa das avaliacións para o ano 2012 se tratará no Comité Intercentros de Saúde Laboral xunto con toda a programación da Xunta de Galicia.

- Facilítannos unha relación dos accidentes de traballo sufridos en 2010 e no que vai de 2011 polo persoal de servicios centrais, cualificados todos como leves, a pesar de que nalgún caso os días de baixa foron superior a 200.

No apartado de rogos e preguntas CCOO solicita que cando se realice unha xornada formativa, se realice algún tipo de simulacro de emerxencia ou calquera outra actividade de prevención de riscos laborais en calquera centro de traballo os delegados de prevención sexan informados coa debida antelación.

Tamén incidimos dende CCOO en que se lle lembre á Mugatra que o prazo para entregar as avaliacións de riscos laborais é dun mes, xa que en varias ocasións non cumpriron este prazo.

ACORDO CONDICIÓNS DE TRABALLO AXENTES FORESTAIS/MEDIOAMBIENTAIS

2011-12-02T09:37:00.000+01:00

O 24 de novembro, tras 727 días sen ser convocados, celebrouse en San Lázaro na Dirección Xeral de Montes unha reunión da Comisión de seguimento do Acordo sobre as condicións de traballo dos Axentes Forestais, convocada tras as mobilizacións unitarias de protesta do 7 de novembro, e na que de xeito conxunto denunciabamos a grave situación á que están abocado o colectivo de Axentes Forestais e Medioambientais.

Ler máis ...

CONVOCATORIA COMISIÓN DE PERSOAL 02-12-2011

2011-12-01T08:46:00.000+01:00

Comision de Persoal 2-12-11

TRIBUNA NOVEMBRO 2011

2011-11-30T08:31:00.000+01:00

Comeza o Tribuna de novembro cun artigo de opinión sobre as eleccións ás Cortes Xerais pasado 20-N, continua coas últimas novas no ámbito da Función Pública galega e remata coas xa nosas habituais amonestacións do mes. Sumario:

Pax. 1) O pobo votou, pero non outorgou!!!

Pax. 2 e 3) ¡¡¡ULTIMAS NOVAS!!!: Acción Sindical; Relacións de Postos de Traballo; Concursos de traslados; Procesos selectivos; Normativa de Persoal e Fondo de Acción Social 2010.

Pax. 4) Amonestacións do mes!!!!

CONVOCATORIA MESA XERAL DE EMPREGADOS PÚBLICOS (EXTRAORDINARIA)

2011-11-28T16:44:00.000+01:00

A Dirección Xeral da Función Pública convoca Mesa Xeral de negociación dos empregados públicos con carácter extraordinario para o vindeiro 30 de novembro de 2011 ás 13:30 horas.

A orde do día é a seguinte:

Punto primeiro: Proposta de modificación da RPT do Instituto Galego de Consumo.

Punto segundo: Proxecto de Estatutos do Organismo Autónomo Instituto de Estudos do Territorio.

Punto terceiro: Proxecto de Estatutos da Axencia Augas de Galicia.

COMITÉ DE EMPRESA DOS SERVICIOS CENTRAIS DA XUNTA DE GALICIA

2011-11-27T12:56:00.001+01:00

Na xuntanza do Comité de Empresa de Servizos Centrais da Xunta de Galicia, celebrada o día 17 de novembro de 2011, tratáronse os seguintes puntos:

1.- Escritos de Petición.

2.- Transporte Público.

3.- Contratacións no Instituto Galego de Consumo.

4.- Campaña a prol da dignidade do empregado público.

5.- Informe traballadores/as I+D.

Ler máis ...

CCOO DENUNCIA A PROGRESIVA PRIVATIZACIÓN E DESPROFESIONALIZACIÓN DO SERVIZO DE GARDACOSTAS

2011-11-25T11:16:00.002+01:00

CCOO denuncia un novo despilfarro da Xunta de Galicia, ao constatarse que mentras os 85 barcos da Consellería do Mar, están varados nos peiraos, por unha decisión política que esta a levar a progresiva privatización e desprofesionalización do Servizo de Gardacostas, a Consellería mantén o contrato de 5 millóns de euros/ano con empresas privadas para atender as tarefas de inspección e control da pesca, salvamento e loita contra a contaminación, que serían propias do persoal funcionario e laboral do Servizo de Gardacostas de Galicia

Ler máis ...

XUNTANZA PORTOS DE GALICIA

2011-11-24T11:53:00.005+01:00

O 22 de novembro celebrouse unha xuntanza, a petición de CCOO, cos responsables de Portos de Galicia. Inicialmente a xuntanza era co Presidente do Organismo, pero como este declinou a súa asistencia, por motivos de axenda, finalmente recibiunos o Director de Portos de Galicia. Esta xuntanza tiña como obxecto:

- Recadar información sobre como ía afectar a LOFAXGA, ao persoal de Portos de Galicia en canto as súas condicións económico-laborais.

- Saber cando se vai presentar o borrador da RPT de Portos de Galicia para a súa posterior negociación.

- Solicitar a nosa inmediata incorporación a mesa de negociación do Convenio Colectivo de Portos de Galicia.

Ler máis ...

ÉXITO ROTUNDO DA CONCENTRACIÓN DE AXENTES FORESTAIS E MEDIOAMBIENTAIS

2011-11-21T11:45:00.000+01:00

A concentración de Axentes Forestais e Medioambientais levada a cabo o 17 de novembro en Santiago de Compostela foi un rotundo éxito, polo que temos que felicitar a todos aqueles que participaron neste acto reivindicativo que xa deu os seus froitos incluso antes de ter empezado.

Así pois, a primeira hora da mañá chegounos unha citación para o día 24 ás 10:00 horas na Dirección Xeral de Montes da Consellería do Medio Rural co fin de tratar cuestións relativas ás condicións de traballo da escala de Axentes Forestais e de Axentes Facultativos Medioambientais. Tamén se publicou no DOG dúas renuncias e oito excluídos do proceso de pase ó grupo C1.

Ler máis ...

XUNTANZA NEGOCIACIÓN RPT IGE

2011-11-20T19:28:00.000+01:00

O pasado martes, 15 de novembro tivo lugar unha xuntanza da Mesa de negociación da modificación da RPT do Instituto Galego de Estatística (IGE), dependente da Consellería de Facenda, na que informaron do seguinte:

- Crease unha praza do grupo III - (105) enquisador.

- Amortízanse dúas prazas de auxiliar administrativo (sen interinos) e en definitiva a costa do orzamento do capítulo I e do emprego público en térmonos netos.

- Ábrese a praza de facultativo da Escala de Estatística a outras administracións, porén a Administración acreditou na reunión que a dita praza quedou vacante en dous procesos selectivos e que tampouco se pode cubrir polas listas de substitución.

Desde CCOO valoramos positivamente a creación da praza de enquisador, pero manifestamos o noso desacordo coa amortización das 2 prazas de auxiliar administrativo, polo que supón de redución neta do Capitulo I.

Respecto da apertura da praza de facultativo da Escala de Estatística, non estamos de acordo coa súa apertura a outras administracións, sen que haxa antes un convenio de reciprocidade.

Agardamos que teñan en conta as nosas alegacións de cara a xuntanza da mesa xeral para acadar unha modificación desta RPT co máximo consenso posible.

XUNTANZA COA CONSELLERÍA DE SANIDADE SOBRE ESTRUTURAS DE XESTIÓN INTEGRADA

2011-11-18T14:27:00.000+01:00

O 17 de novembro, tivo lugar unha xuntanza cos responsables de Recursos Humanos da Consellería de Sanidade co obxecto de recibir información dos pasos que se están dando no proceso de transformación das Direccións Provinciais do SERGAS en estruturas ou areas de Xestión Integradas. Esta previsto que se convoquen mais xuntanzas deste tipo na medida en que se vaian concretando temas. As principais cuestións que formulamos podedelas atopar na nota infomativa.

Ler máis ...

XUNTANZA NEGOCIACIÓN “PARCIAL” RPT CONSELLERIA DE TRABALLO E BENESTAR (ESCOLAS INFANTIS)

2011-11-17T14:06:00.000+01:00

O 17 de novembro celebrouse a terceira xuntanza previa a modificación das RPTS da Consellería de Traballo e Benestar para informar as Organizacións Sindicais dos cambios que tiveron en consideración dende a ultima xuntanza.

A Secretaria Xeral infórmanos dos cambios aceptados as peticións sindicais.

Ler maís ...

NEGOCIACIÓN RPT DA CONSELLERÍA DE MEDIO AMBIENTE,TERRITORIO E INFRAESTRUTURAS

2011-11-13T19:49:00.000+01:00

O pasado xoves, 10 de novembro, tivo lugar unha xuntanza cos responsables de persoal da Consellería de de Medio Ambiente, Territorio e Infraestruturas para tratar a modificación parcial da súa RPT.

A modificación proposta consiste, entre outras cousas, no seguinte:

- Transformación dun posto base C1 nunha Xefatura de Grupo, aberta, polo tanto a C1 e C2.

- Apertura dunha sección aos subgrupos A1, A2 e C1 (antes estaba aberta so ao A1).

- Cambio de titulación en diversos postos da Secretaría Xeral de Calidade e Avaliación Ambiental.

- Apertura de tres xefaturas e servizo de Planificación Urbanística á Admón. Local, Estado e CC AA.

Ler máis ...

XUNTANZA CONSORCIO BENESTAR – ORGANIZACIÓNS SINDICAIS

2011-11-11T09:45:00.002+01:00

NEGOCIACIÓN “PARIPE” REGULAMENTO REXIME INTERNO ESCOLAS INFANTIS

O 4 de novembro convocouse, por parte dos responsables do Consorcio Galego de Servizos de Igualdade e Benestar a unha xuntanza na que se nos informou da imposición do novo regulamento de rexime interno das Escolas Infantís.

Esta convocatoria era supostamente para analizar, que non negociar, a imposición do regulamento de réxime interno das Escolas Infantís.

Ler máis ...

RESUMO COMISIÓN DO PERSOAL DO 04/11/2011

2011-11-10T09:15:00.001+01:00

O 4 de novembro celebrouse a xuntanza da Comisión de Persoal onde se tratou como orde do día:

1.- Proxecto de decreto polo que se aproban os estatutos da Axencia Galega de Innovación. Este proxecto foi negociado en catro reunións previas á mesa xeral de empregados públicos, e cabe resaltar a diferencia positiva entre o borrador inicial e o documento que finalmente se somete a aprobación desta comisión de persoal. O voto de CCOO foi a favor

2.- No apartado de rogos e preguntas falouse de o decreto marco de integración, da orde de confección de nóminas, do concurso de traslados de persoal laboral e da integración dos Axentes Forestais subgrupo C1.

Ler máis ...

RESUMO ASAMBLEA AXENTES FORESTAIS/MEDIOAMBIENTAIS

2011-11-09T09:31:00.000+01:00

O pasado 4 de novembro no Edificio Administrativo San Caetano celebrouse unha asamblea unitaria dos Axentes Forestais/Medioambientais, na que se concretaron unha serie de medidas a adoptar para mellorar o recoñecemento profesional e social do colectivo.

Para CCOO esta asemblea unitaria debe marcar un antes e un despois do colectivo de Axentes Forestais/Medioambientais de Galicia, provocando unha resposta contundente diante da actitude provocadora, inxuriosa e de desprezo que está mantendo permanentemente o Conselleiro de Medio Rural con este colectivo de profesionais, que desenvolven unha tarefa fundamental na loita contra os incendios forestais, na conservación do medio ambiente e na defensa e protección do patrimonio forestal e medioambiental.

Ler máis ...

XUNTANZA NEGOCIACIÓN “PARCIAL” RPT CONSELLERIA DE TRABALLO E BENESTAR (ESCOLAS INFANTIS)

2011-11-08T09:01:00.000+01:00

O 3 de novembro celebrouse a segunda xuntanza sobre a modificación parcial da RPT da Consellería de Traballo e Benestar (Escolas Infantis), na que os representantes da Consellería informaron como quedaría a nova proposta, logo das alegacións presentadas.

Cabe destacar que nesta RPT amortízanse 15 prazas e só se crean 10.

Ler máis ...

VALORACIÓN DE CCOO SOBRE OS ORZAMENTOS 2012

2011-11-07T09:50:00.000+01:00

MAIS RECORTES, MAIS PRECARIEDADE E MENOS SERVIZOS PÚBLICOS

A Secretaria de Emprego do Sindicato Nacional de CCOO de Galicia elaborou unha nota informativa na que recolle un resumo do documento "Avaliación dos Orzamentos da Xunta de Galicia 2012", que foi presentado publicamente en rolda de prensa o 4 de novembro.

Con estos orzamentos as empregadas e empregados públicos resultan gravemente prexudicados por estes orzamentos, con tres tipos de medidas: a aplicación dunha taxa de reposición, que impide a reposición das baixas vexetativas, a redución de emprego público, pola vía de conxelar as OPEs e, por último, recortándolles aínda máis o salario.

Ler máis ...

COMISIÓN DE PERSOAL DO 07/11/2011

2011-11-04T13:13:00.003+01:00

A Dirección Xeral da Función Pública convoca a sesión extraordinaria da Comisión de Persoal da Xunta de Galicia que terá lugar o:

Día: 7 de novembro de 2011

Hora: 14:00 h

Lugar: Aula Manuel Colmeiro – EGAP, da Consellería de Presidencia, Administracións Públicas e Xustiza, en Santiago de Compostela.

Orde do día: Punto único: Proxecto de Decreto e Estatutos Axencia Galega de Innovación.

CONVOCATORIA MESA XERAL 04/11/2011

2011-11-03T09:48:00.002+01:00

Convocatoria Mesa Xeral

ASEMBLEA DE AXENTES FORESTAIS E AXENTES FACULTATIVOS MEDIOAMBIENTAIS DA XUNTA DE GALICIA

2011-11-02T12:16:00.000+01:00

As organizacións sindicais CCOO, UGT, CSI-F E CIG convocan conxuntamente unha asamblea informativa dos axentes forestais/medioambientais, que se celebrará o 4 de novembro, ás 10'00 h. no Salón de Actos núm. 2 de San Caetano.

As organización sindicais denuncian o desprezo continuo por parte dos responsables da Consellería de Medio Rural os que, aínda despois da vaga de lumes de outubro, no pleno parlamentario do 26 de outubro o Conselleiro de Medio Rural, Samuel Juárez, atreveuse a dicir que os axentes forestais “non son policía” coa intención de xustificar o desmantelamento das BIIF (Brigadas de Investigación de Incendios Forestais). Tamén tachou de “esnobismo” o criterio técnico do 30-30-30 nun exercicio de absoluta ignorancia e reduciu a superficie queimada en outubro a 4.000 has.

Ler máis ...

TRIBUNA OUTUBRO 2011

2011-10-30T19:55:00.000+01:00

O Goberno Autonómico do Partido Popular volve a castigar aos empregados públicos de Galicia impoñéndolles a conxelación salarial tamén no 2012, esta nova conxelación salarial implica unha perda efectiva de máis do 12% de poder adquisitivo nos dous últimos anos.

Asi comezamos o Tribuna de CCOO, do mes de outubro, que ten o seguinte sumario:

Pax. 1) CONDESCENDENTE COS PODEROSOS, IMPLACABLE COS EMPREGADOS DA XUNTA DE GALICIA.

Pax. 2) ¡¡¡ULTIMAS NOVAS!!! Acción sindical, RPTs; Concurso de traslados do persoal laboral e Regulamento de vacacións, permisos e licencias; decreto de selección e aparcadoiro de San Caetano.

Pax. 3) POLÍTICA CATIVA, CARTOS MAIORES

Pax. 4) AMONESTACIÓNS DO MES!!!!!!!!

XUNTANZA NEGOCIACIÓN “PARCIAL” RPT CONSELLERIA DE TRABALLO E BENESTAR (ESCOLAS INFANTIS)

2011-10-28T09:52:00.000+02:00

O mércores, 26 de outubro houbo unha xuntanza da Mesa de negociación da modificación parcial da RPT da Consellería de Traballo e Benestar, referida a prazas das Escolas Infantís.

Os representantes da Consellería comunican que se crean 17 postos (algúns deles a media xornada) e se amortizan 28 nas Escolas Infantís da Coruña, Lugo e Pontevedra. Ademais, recordan que outros 8 postos xa se retiraran no seu momento da relación de vacantes do concurso de traslados do Grupo V dado que se tiña acordada a súa amortización polo que o total de amortizacións chega ás 36.

Ler máis ...

SUSPENDIDA A MESA XERAL DO 28 DE OUTUBRO

2011-10-27T19:29:00.000+02:00

No día de hoxe a Presidencia da Mesa Xeral dos Empregados Públicos, que ostenta a Dirección Xeral de Función Pública, comunicou ás organizacións sindicais que, "por cuestións procedimentais", suspéndese a xuntaza da Mesa Xeral do día 28 de outubro de 2011.

CONVOCATORIA MESA XERAL 28-10-2011

2011-10-26T13:54:00.001+02:00

A Dirección Xeral da Función Pública convoca á xuntanza da Mesa Xeral de Empregados Púbicos que terá lugar o vindeiro 28 de outubro de 2011, ás 13:00 horas, na EGAP co seguinte orde do día:

Punto primeiro.-Proxecto de decreto polo que se regula o réxime do persoal das entidades instrumentais integrantes do sector público de Galicia que sexan obxecto de creación, modificacion e extinción.

Punto segundo. -Proxecto de Decreto e estatutos Axencia Galega de Innovación.

Punto terceiro.-Proxecto de decreto polo que se aproban os estatutos do Instituto de Estudos do Territorio.

Punto cuarto.-Proxecto de decreto polo que se aproba o Estatuto de Augas de Galicia.

CCOO RECORREU O SOBRESEMENTO PROVISIONAL DO PROCESO NO CASO DOS BRIGADISTAS FALECIDOS EN 2010 EN FORNELOS DE MONTES

2011-10-24T11:38:00.000+02:00

O sindicato reclama que continúe a investigación e que se depuren responsabilidades para que non volva acontecer nada similar

O Sindicato Nacional de CCOO explicou en conferencia de prensa que presentou un recurso contra o sobresemento provisional do proceso no caso dos brigadistas de SEAGA que faleceron nun incendio na localidade de Fornelos de Montes no ano 2010.

Visto o auto do Xulgado de Primeira Instancia e Instrución n.º 2 de Redondela, polo que se decreta o sobresemento provisional do procedemento no caso dos dous brigadistas de SEAGA, Rodrigo Amo González e Julio Martínez Dasilva, CCOO, que se constituíu en parte na causa, interpuxo un recurso de reforma e subsidiario de apelación por considerar que o sobresemento de actuacións decretado é unha decisión «prematura e precipitada».

Ler máis ...

CCOO AFIRMA QUE A LOITA CONTRA INCENDIOS FORESTAIS EN GALICIA ESTÁ FORA DE CONTROL

2011-10-19T09:28:00.002+02:00

CCOO CUALIFICA DE CAÓTICA E DANTESCA A SITUACIÓN INCENDIARIA QUE ASOLA O SUR DE GALICIA NESTES ULTIMOS DÍAS

CCOO manifesta que gran parte da actual situación catastrófica é consecuencia da imprevisión, improvisación, irresponsabilidade e incompetencia dos dirixentes de Medio Rural.

CCOO, ante a total falta de dirección e coordinación que está a sufrir o operativo de loita contra incendios, empraza a tódolos traballadores do SPDCIF a que extremen as precaucións e prioricen tódolos seus esforzos na salvagarda das vidas e bens dos cidadáns e na súa propia seguridade.

Descargar nota de prensa

O PROXECTO DE ORZAMENTO IMPÓN A CONXELACIÓN SALARIAL O QUE SUPÓN A PERDA DE MAÍS DUN 12% DO PODER ADQUISITIVO

2011-10-18T13:31:00.001+02:00

CCOO AFIRMA QUE O PROXECTO DE CAPITULO I DOS ORZAMENTOS 2012, PRESENTADO POLO GOBERNO DE NUÑEZ FEIJOO, É UN PASO MAIS NO DESMANTELAMENTO DOS SERVIZOS PÚBLICOS AO REDUCIR A OFERTA PÚBLICA DE EMPREGO PRACTICAMENTE A CERO

CCOO, na xuntanza da Mesa Xeral dos Empregados/as Públicos da Xunta de Galicia, celebrada onte, día 17 de outubro, advertiu que o “proxecto de Capitulo I dos Orzamentos para o ano 2012” implica:

- Afondar na acumulación da perda de poder adquisitivo que sofren os empregados públicos da Xunta nos últimos dous exercicios, alcanzando esta mais dun 12%.

- Reducir as plantillas ao impoñer na OPE do 2012 unha taxa de reposición dun 10% (por cada 10 baixas só permiten repoñer 1), co conseguinte e progresivo desmantelamento dos servizos públicos.

- Incrementar a contratación temporal, incumprindo deste xeito o compromiso de reducila ao 8%.

- Conxelar as axudas do Fondo de Acción Social.

- Manter a suspensión tódolos acordos que supoñan mellora retributiva para o ano 2012.

Descargar nota de prensa

COMISIÓN SEGUIMENTO DO ACORDO DO PERSOAL LABORAL DA GARDERIA FLUVIAL

2011-10-15T13:32:00.000+02:00

O pasado 6 de outubro tivo lugar unha xuntanza da Comisión de Seguimento do Acordo de condicións de traballo do persoal laboral da Gardería Fluvial, pertencente ao Organismo Autónomo Augas de Galicia, dependente da Consellería de Medio Ambiente, Territorio e Infraestructuras.

Nesta xuntanza, a que asistiu o Presidente do Organismo Autónomo, lamentablemente non houbo novas importantes con respecto a como se atopa a situación da aplicación do Acordo ao persoal laboral da Gardería Fluvial (pluses e reclasificación de postos), nin cando se vai producir a posta en marcha da nova Axencia de Augas de Galicia.

Ler máis ...

CCOO DENUNCIA QUE A CONSELLERÍA DE MEDIO RURAL REALIZA ENCOMENDAS FRAUDULENTAS COA EMPRESA TRAGSA

2011-10-14T09:04:00.000+02:00

CCOO ADVIRTE QUE AS FALSAS PROMESAS DE AUSTERIDADE PREGONADAS POR NUÑEZ FEIJÓO, ESCONDEN E SOLAPAN OS AUTÉNTICOS DESPILFARROS IRREGULARES QUE CAMPAN ÁS SÚAS ANCHAS NA XUNTA DE GALICIA

CCOO denuncia a demagoxia na que se instalou o Presidente da Xunta que, un día si e outro tamén, anuncia medidas de austeridade en ámbitos esenciais como a sanidade, no ensino ou nos servizos sociais, mentres ao mesmo tempo consinte que as Consellerías sigan despilfarrando inxentes cantidades de diñeiro público en contratacións, encomendas e asistencias técnicas fraudulentas de escasa ou nula utilidade para o interese xeral.

Descargar nota de prensa

CCOO CONSIDERA QUE, ESTES DOUS ANOS DE GOBERNO DE NUÑEZ FEIJÓO, FORON UN ROTUNDO FRACASO NA XESTIÓN POLITICA DA LOITA CONTRA INCENDIOS FORESTAIS

2011-10-13T09:06:00.003+02:00

CCOO EMPRAZA A NUÑEZ FEIJÓO A QUE, NO PLENARIO DO PARLAMENTO AUTONÓMICO, ADMITA SIN PALIATIVOS, QUE O BALANCE DA LOITA CONTRA INCENDIOS FORESTAIS NO 2011 EN GALICIA, TERA QUE CUALIFICARSE COMO “NEFASTO E TRÁXICO”

CCOO considera a campaña de incedios forestais-2011, un rotundo fracaso da politica de prevención e extinción que esta levando a cabo a Consellería de Medio Rural, por tanto esiximos responsabilidades politicas e respecto para o traballo desenvolvido polos traballadores/as do SPDCIF, que a pesar da mala xestión realizada polos xestores da Conselleria, continuan traballando coa máxima dedicación e compromiso.

Ler máis ...

COMITÉ INTERCENTROS SEGURIDADE E SAÚDE

2011-10-07T00:12:00.000+02:00

Na xuntanza do Comité Intercentros de Seguridade e Saude Laboral da Xunta de Galicia que tivo lugar o día 29 de setembro pasado, tratáronse os seguintes puntos na orde do día:

1.- Protocolo de actuación diante das enfermidades mentais.- Dende CCOO solicitamos que sexa o Servizo de Prevención o que elabore un borrador de protocolo de actuación

2.- Procedemento de actuación fronte os riscos psicosociais.- Solicitamos que se proceda a súa redacción, aprobación e publicación coma un anexo dentro do Plan de Prevención da Xunta de Galicia.

3.- Convocatorias dos novos Comités de Seguridade e Saúde Laboral.- CCOO solicitou da Administración, que requira con carácter urxente as diferentes Consellerías, para que nomeen os/as presidentes/as de cada un dos comités.

4.- Remate do contrato con Mugatra, para a colaboración nas actividades preventivas.

Ler máis ...

RESUMO COMISIÓN DE PERSOAL DO 03/10/2011

2011-10-06T00:45:00.000+02:00

Na xuntanza da Comisión de Persoal da Xunta de Galicia, do 3 de outubro de 2011 aprobouse o Decreto de Estatutos da Axencia de Modernización Tecnolóxica de Galicia (AMTEGA), dependente da Presidencia do Goberno.

Respecto a este asunto CCOO votou a favor porque o texto definitivo da administración recolleu practicamente todas as alegacións que fixemos.

Ler máis ...

TRIBUNA SETEMBRO 2011

2011-10-05T00:16:00.000+02:00

A portada do Tribuna de setembro ten como protagonista unha reflexión sobre a política de recorte de dereitos sociais, laborais e sindicais en toda España. Lembraremos que o pasado 24 de setembro, delegados e delegas de CCOO encheron de novo o Palacio de Vistalegre de Madrid, de reivindicacións e propostas, deixando ben claro que dirixentes, afiliados e delegados de “CCOO non están dispostos a resignarse ante os recortes”

Sumario:

Pax. 1) “CCOO NON ESTÁ DISPOSTA A RESIGNARSE”

Pax. 2) ¡¡¡ULTIMAS NOVAS!!!: Fondo de Acción Social, Decreto de listas, RPT,s; funcionarización, novas procesos selectivos e procesos de persoal laboral.

Pax. 3) CCOO non acepta a proposta de Núñez Feijóo de recortar dereitos de representación e negociación colectiva na Administración Pública.

Pax. 4) Amonestacións do mes

CCOO PIDE O CESE FULMINANTE DE SAMUEL JUÁREZ E A DESTITUCIÓN INMEDIATA DA CÚPULA DA DIRECCIÓN XERAL DE MONTES E DA SUBDIRECCIÓN DE INCENDIOS

2011-10-04T00:24:00.001+02:00

IÑIGO ZUBIAGA É O CUARTO PILOTO DO OPERATIVO FALECIDO NOS ULTIMOS ANOS NA PROVINCIA DE OURENSE NA LOITA CONTRA INCENDIOS FORESTAIS

CCOO, ante este novo e tráxico accidente mortal acontecido no ámbito da extinción de incendios forestais, empraza a Nuñez Feijóo a que cese fulminantemente a Samuel Juárez, conselleiro de Medio Rural, e destitúa á cúpula da Dirección Xeral de Montes e da Subdirección de Incendios pola prepotencia, incompetencia, indignidade e irresponsabilidade que veñen amosando na xestión da loita contra incendios forestais

Descargar nota de prensa

CCOO ESIXE UNHA INVESTIGACIÓN INMEDIATA, ÁXIL E RIGOROSO DO ACCIDENTE LABORAL ACONTECIDO DURANTE OS TRABALLOS DE LOITA CONTRO OS INCENDIOS FORESTAIS EN LAZA

2011-10-03T14:56:00.000+02:00

CCOO, en primeiro lugar, trasládalle publicamente toda a nosa solidariedade e afecto á familia do piloto falecido nun tráxico accidente laboral acontecido na tarde de hoxe cando participaba nas labores de extinción de un dos múltiples incendios forestais que nestes días se están producindo con especial virulencia e desmesura en todo o oriente da provincia de Ourense, ao tempo que ponse ao seu dispor en todo aquilo que precisen ao respecto.

CCOO fai un chamamento ás autoridades administrativas e xudiciais responsables de velar polo cumprimento da seguridade laboral e do establecemento das responsabilidades que correspondan a que inicien unha investigación inmediata, áxil, rigorosa e profunda que esclareza as verdadeiras causas deste accidente laboral que tan fatal resultado tivo.

CCOO NON ACEPTA A PROPOSTA DE NUÑEZ FEIJÓO DE RECORTAR DEREITOS DE REPRESENTACIÓN E NEGOCIACIÓN COLECTIVA NA ADMINISTRACIÓN AUTONOMICA

2011-09-28T20:15:00.000+02:00

CCOO CUALIFICA DE DESPROPORCIONADA E INXUSTIFICADA A PROPOSTA DE FUNCIÓN PÚBLICA DE REDUCIR OS REPRESENTANTES DOS TRABALLADORES/AS NAS MESAS DE NEGOCIACIÓN

CCOO rexeita a imposición de recorte nos dereitos sindicais proposta polo Goberno do PP na Xunta de Galicia.

CCOO considera que a proposta de eliminar 145 representantes dos traballadores nas Mesas de Negociación (64 en Ensino, 45 en Sanidade, 11 en Xustiza e 25 en Función Pública), é un ataque, sen precedentes, aos dereitos de representación e negociación que lle asisten aos empregados públicos da Xunta de Galicia.

Ler máis ...

RESUMO DA XUNTANZA PARA A MODIFICACIÓN DA RPT DO INSTITUTO GALEGO DE CONSUMO

2011-09-27T20:35:00.000+02:00

O día 22 de setembro tivo lugar a xuntanza para a modificación da RPT do Instituto Galego de Consumo para adaptala ao novo decreto de estructura orgánica aprobado no Consello da Xunta do xoves 15 de setembro de 2011.

A proposta da Administración supón a amortización de cinco postos e a creación doutros cinco segundo se detalla na nosa nota informativa.

Ler mais ...

RESUMO DA MESA XERAL EXTRAORDINARIA DE EEPP DO 16/09/2011 E DA COMISIÓN DE PERSOAL DO 20/09/2011

2011-09-21T08:35:00.000+02:00

O día 16 de setembro tivo lugar unha Mesa Xeral extraordinaria de negociación na que se tratou como único punto na orde do día a proposta de modificación da RPT da Consellería de Traballo e Benestar. Este punto tamén foi asunto da Comisión de Persoal do 20 de setembro.

Como a maioría das nosas alegacións, non foron nin atendidas nin explicadas satifactoriamente, o voto de CCOO á modificación da RPT da Consellería de Traballo e Benestar foi EN CONTRA.

Ler máis ...

CCOO REXEITA A PROPOSTA DA CONSELLERÍA DE TRABALLO DE CAMBIAR DESCANSO POR DIÑEIRO

2011-09-19T09:14:00.000+02:00

CCOO CUALIFICA DE TEMERARIA A PROPOSTA DE ELIMINAR OS DESCANSOS DAS COMPENSACIÓNS POR TRABALLO EN FESTIVOS E DOMINGOS A CAMBIO DE CARTOS

CCOO rexeita a proposta da Consellería de Traballo e Benestar, de modificar o artigo 19.5 do Convenio, co obxectivo de substituír o descanso establecido actualmente, por traballar os domingos e festivos, por unha cantidade económica, que variaría en función do grupo de pertenza.

Diante destas intencións de modificación do convenio (que, por certo, CCOO xa non o asinara polos retrocesos en dereitos por todos coñecidos) e, ao marxe do noso rexeitamento inicial frontal, para poder facer unha valoración rigorosa da proposta esiximos:

• Que se constitúa formalmente unha mesa de negociación

• Que se nos presente por escrito unha proposta concreta de modificación do convenio

Ler máis ...

CONVOCATORIA MESA XERAL EXTRAORDINARIA 16-09-2011

2011-09-15T14:02:00.002+02:00

Convocatoria Mesa Xeral Extra or Din Aria 16-09-2011

RESUMO DA XUNTANZA COA CONSELLERÍA DE EDUCACIÓN E O.U. PARA A MODIFICACIÓN DA RPT DE PERSOAL FUNCIONARIO

2011-09-15T08:59:00.000+02:00

O día 9 de setembro tivo lugar a xuntanza para a modificación da RPT de persoal funcionario (servizos centrais e periféricos) dependente da Consellería de Educación e Ordenación Universitaria. A proposta da Administración supón a amortización de 12 postos.

Segundo explicou o Secretario Xeral na xuntanza, pretenden crear seis unidades co nivel de servizo, dentro da tramitación dun novo decreto de estrutura orgánica da Consellería e financialas cos postos amortizados.

Ler máis ...

RESUMO DA XUNTANZA CONSELLERÍA DE ECONOMÍA E INDUSTRIA E ORGANIZACIÓNS SINDICAIS

2011-09-07T14:00:00.000+02:00

Negociación modificación do IGAPE en Axencia Autonómica

O 6 de setembro na sala de xuntas da Consellería de Economía e Industria xuntáronse, as organiszacións sindicais con representantes da dita Consellería para expor as súas posicións respecto á transformación do IGAPE en Axencia Autonómica, segundo o establecido na LOFAXGA.

CCOO considera prioritario que se suspendan estas negociacións en espera á aprobación do Decreto que aprobe un estatuto marco de creación, modificiación ou supresión de Entes Públicos. En todo caso, expoñemos que a futura Axencia non podería ter competencias propias en materia de selección e provisión de persoal, xa que estas competencias deben corresponder ao órgano competente en materia de Función Pública.

Ler máis ...

CCOO, UGT e USO CONVOCAN CONCENTRACIÓNS O DÍA 6 CONTRA A REFORMA DA CONSTITUCIÓN E POLA NECESIDADE DUN REFERENDO

2011-09-06T10:00:00.001+02:00

O Sindicato Nacional de CCOO de Galicia, UGT-Galicia e USO-Galicia convocan concentracións para mañá martes, día 6 de setembro, ás 19 horas, contra a reforma da Constitución e pola necesidade dun referendo.

Os tres sindicatos opóñense á proposta de reforma da Constitución española elaborada polos responsables dos grupos parlamentarios do PSOE e do PP. Entenden que, polo seu contido e polos seus prazos de aplicación, esta reforma non vai axudar á redución dos niveis actuais de déficit público, que só pode lograrse sen deteriorar gravemente o tecido económico e social do noso país mediante a promoción do crecemento económico e o emprego, unha reforma fiscal equitativa e progresiva e un permanente rigor no uso do gasto público.

Ler máis ...

CCOO AFIRMA SOBRE O CONSELLEIRO DE MEDIO RURAL QUE “OU MINTE OU É UN IRRESPONSABLE

2011-09-05T09:38:00.000+02:00

CCOO leva tempo advertindo do descontrol organizativo existente na dirección do operativo de loita contra incendios forestais

CCOO critica a permanente cortina de fume que o conselleiro sigue avivando co fin de tapar as críticas que se lle fan á xestión do seu departamento, empeñándose en desviar a atención e fuxindo de exercer as súas responsabilidades políticas, administrativas e laborais con rigor.

Descargar nota de prensa

SINDICATOS E ORGANIZACIÓNS SOCIAIS CONVOCAN MOBILIZACIÓNS CONTRA A REFORMA CONSTITUCIONAL

2011-08-30T13:32:00.001+02:00

Chaman á cidadanía a que rexeite a modificación proposta polo fondo e pola forma e a que esixa a celebración dun referéndum.

As centrais sindicais CCOO, UGT e USO, xunto cunha ducia de organizacións sociais, entre outras Paz Ahora, Plataforma 2015 y + e a Coordinadora de ONG de Desarrollo, mantiveron na mañá de onte unha xuntanza na sede de Comisións Obreiras tras a que acordaron convocar mobilizacións os días 31 de agosto e 1 de setembro e unha manifestación o martes 6 de setembro en Madrid.

As organizacións sindicais e sociais convocantes manifestaron, na rolda de prensa posterior á xuntanza, o seu rexeitamento á proposta de reforma da Constitución e solicitan ao Congreso e ao Senado que non a voten favorablemente ou que, no caso de facelo convoquen un referéndum que permita á cidadanía dar o seu parecer sobre esta proposta.

Ler máis ...

CCOO ESIXE QUE SE PARE ESTA CAMPAÑA INTERESADA DE DESPRESTIXIO CONTRA O SERVIZO PÚBLICO DE DEFENSA CONTRA INCENDIOS FORESTARIS

2011-08-29T12:02:00.001+02:00

QUEN SON “OS COBARDES” QUE SE ESCONDEN NO ANONIMATO PARA CRITICAR IMPUGNEMENTE AOS SEUS COMPAÑEIROS?

CCOO rexeita o último episodio de desprestixio interesado protagonizado polos i-responsables da Dirección Xeral de Montes contra os traballadores/as do SPDCIF, retracta as claras o descontrol no que esta sumida a Consellería de Medio Rural, onde calquera “alto cargo” opina e facilita información sen ningún rigor nin rubor, facendo dano impunemente ao SPDCIF e aos seus traballadores/as.

Para CCOO resulta inconcibible que, amparándose no anonimato segundo publicacións aparecidas nos medios de comunicación e nomeadamente no artigo publicado no xornal El Mundo “Una legión de funcionarios contra el fuego pero sin formación específica” , altos cargos da D.X. de Montes se adiquen a desprestixiar o funcionamento do SPDCIF e cuestionen a profesionalidade dos seus traballadores/as, sen asumir primeiro as responsabilidades dos seus propios actos.

Ler máis ...

CCOO AFIRMA QUE O EMPREGO PÚBLICO REAL NA XUNTA DE GALICIA NON SOLO NON SE INCREMENTOU, SENÓN QUE DISMINUÍU

2011-08-27T10:17:00.000+02:00

CCOO recorda que os salarios do persoal da Administración Autonómica son, en xeral, inferiores aos equivalentes no Sector Privado

O 26 de agosto CCOO remitiu unha nota de prensa aos medios de comunicación, na que desminte a información publicada no Faro de Vigo, na que se afirma que nos últimos catro anos incrementouse a plantilla da Xunta en mais de 10.000 funcionarios, e reafirmase que neste período, mais que incremento o que houbo foi regularización de emprego temporal.

Descargar nota de prensa

CCOO REXEITA A PROPOSTA DE LEVAR O "DEFICIT CERO" Á CONSTITUCIÓN

2011-08-25T12:13:00.001+02:00

As medidas anunciadas polo presidente do Goberno na súa comparecencia no Congreso son, en opinión de CCOO, "claramente insuficientes", e so recollen unha das propostas de CCOO e UGT na carta que lle remitiron a semana pasada: a ampliaciòn da axuda de 400 euros para os parados que esgotaran as súas prestacións por desemprego.

O anuncio do presidente do Goberno de promover polo procedemento de urxencia unha reforma da Constitución para establecer nela a obriga de aprobar orzamentos sen déficit, para CCOO resulta inconveniente no fondo e pola forma.

Ler máis ...

CCOO DENUNCIA QUE O “CHIRINGUITO SEAGA” É UN OBSTÁCULO QUE DIFICULTA A PREVENCIÓN DOS INCENDIOS FORESTAIS EN GALICIA

2011-08-18T09:41:00.001+02:00

AO DESCUBERTO A ERRÓNEA E ERRÁTICA POLÍTICA DE MEDIO RURAL NA LOITA CONTRA INCENDIOS FORESTAIS

CCOO afirma que “os i/responsables dirixentes da Consellería do Medio Rural seguen sen rumbo na xestión da prevención e loita contra os incendios forestais de Galicia. Nin se atreven a disolver SEAGA nin obrigan ao xestores do chuiringuito a formar aos traballadores das máis de duascentas cuadrillas contratadas”.

Nesta tempada do 2011, “máis de 1.000 traballadores de SEAGA, permanecerán o máis do tempo de “brazos cruzados” ao non poder empregar desbrozadoras, xa que carecen da formación e do equipamento esixido por lei

Descargar nota de prensa

CCOO MANIFESTA QUE, “UN ANO DESPOIS DA TRAXEDIA LABORAL DE FORNELOS, HAI MENOS MEDIOS, MAIS DESORGANIZACIÓN E MAIORES RISCOS LABORAIS

2011-08-11T09:21:00.002+02:00

CCOO denuncia que, un ano despois, a Consellería do Medio Rural segue sen facer nada por garantir a seguridade laboral dos traballadores na loita contra incendios forestais.

CCOO, o próximo venres, día 12 de agosto, conmemorará o primeiro aniversario do accidente laboral de Fornelos de Montes lembrando aos dous traballadores falecidos. O acto consistirá nunha concentración solidaria e silenciosa, que terá lugar ás 12:00h diante do edificio administrativo da Xunta de Galicia en Pontevedra.

CCOO invita a sumarse ao acto a tódolos cidadáns e ás demais organizacións sindicais, asociacións profesionais e traballadores do ámbito da loita contra incendios forestais

Descargar nota de prensa

Venres, 12 de agosto de 2011

Acto en lembranza de Julio Martínez e Rodrigo Amo

(Brigadistas de SEAGA falecidos en accidente laboral o 12/08/2010 no incendio forestal de Fornelos)

Ás 12:00h. diante do Edificio Administrativo da Xunta de Galicia en PONTEVEDRA

ACLARACIÓN DE CCOO E UGT DO SUCEDIDO NO COMITE DE SEGURIDADE E SAÚDE DE EXTICIÓN DE INCENDIOS

2011-08-08T09:49:00.000+02:00

A nota informativa que hoxe publicamos ten por obxecto aclarar que en ningún caso, foi culpa de CCOO que non houbese quorum nesa xuntanza do Comité de Seguridade e Saúde de Extinción de Incendios, senón que foron os responsables da Consellería que, unha vez mais utilizando triquiñuelas administrativas, optaron por burlase paralizando a constitución dun grupo de traballo para por en marcha melloras nas condicións de traballo e seguridade do persoal de extinción de incedios.

Descargar nota conxunta CCOO e UGT

RESUMO DA XUNTANZA ENTRE A CONSELLERÍA DE ECONOMÍA E INDUSTRIA E OS SINDICATOS

2011-08-04T11:47:00.000+02:00

Negociación RPT da Consellería de Economía e Industria, Decreto e Estatutos de creación da AXENCIA GALEGA INNOVACIÓN

O 1 de agosto houbo unha xuntanza con representantes da Consellería de Economía e Industria para negociar a RPT da Consellería, asi como o Decreto e os Estatutos de creación da Axencia Galega de Innovación.

Respecto da RPT púxose sobre a mesa, entre outros temas a creación de prazas por sentencia e o traspaso de postos de traballo á Consellería de Educación.

No que atinxe a creación da Axencia Galega de Innovación esiximos diveras cuestións como que os postos de nova creación na Axencia de Innovación formen parte da correspondente OPE da Xunta de Galicia

Ler máis ...

RESUMO XUNTANZA COMISIÓN DE PERSOAL DO 01/08/2011

2011-08-03T11:40:00.001+02:00

PERSOAL FUNCIONARIO E LABORAL XUNTA DE GALICIA

Tendo en conta que a xuntanza da mesa xeral do 29 de xullo, xa fora un simple paripé, pois a administración nin respetou as formas, nin atendeu as alegacións, limitándose a cumprir o tramite, tódolos sindicatos acordamos non entrar a Comisión de Persoal.

En todo caso a orde do día foi a seguinte:

1.- RPT do Centro de Atención a Persoas con Discapacidade A Coruña (Centro Santiago Apostol).

2.- RPT da Consellería do Mar.

Ler máis ...

TRIBUNA XULLO-AGOSTO

2011-08-02T13:15:00.001+02:00

O 24 de setembro, sábado, CCOO celebrará en Madrid un gran acto sindical reivindicativo. O motivo deste acto explicámolo na portada deste Tribuna, no que o seu sumario é o seguinte:

Pax. 1) CCOO mantén a ofensiva sindical.

Pax. 2) ¡¡¡ULTIMAS NOVAS!!!: convocatorias OPE 2009; concurso de traslados; RPT Sanidade e Sergas; RPT veterinarios; concurso de veterinarios; concurso de traslados do persoal laboral; proceso consolidación persoal laboral e acción sindical.

Pax. 3) Novo cronograma dos procesos selectivos publicados na web da Xunta de Galicia o día 22 de xullo de 2011.

Pax. 4) Amonestacións do mes.

RESUMO XUNTANZA FUNCIÓN PÚBLICA – SINDICATOS

2011-08-01T15:22:00.000+02:00

TEMARIOS CONSOLIDACIÓN EMPREGO PERSOAL LABORAL DA XUNTA DE GALICIA

O 28 de xullo de 2011 tivo lugar unha xuntanza da mesa de negociación para tratar sobre os temarios específicos dos grupos I ao III para o proceso de consolidación de emprego do persoal laboral da Xunta de Galicia.

Ler máis ...

MEDIO RURAL CONTINÚA COA DESORGANIZACIÓN E CO DESPILFARRO NA LOITA CONTRA OS INCENDIOS FORESTAIS

2011-07-29T17:21:00.003+02:00

A SECCIÓN SINDICAL DE TECNICOS FORESTAIS DE CCOO CRITICA QUE, MENTRAS DESDE A XUNTA SE PREDICA AUSTERIDADE E CONTROL, EN MEDIO RURAL CAMPA O DESPILFARRO, A IMPROVISACIÓN E O DESCONTROL

O pasado 27 de xullo CCOO remitiu unha nota de prensa ao medios de comunicación na que denunciaba, un ano mais, a desorganización, o despilfarro e a incapacidade de Medio Rural, na xestión da loita contra incendios forestais.

O motivo é que un ano máis asistimos á falta de previsión e incapacidade de reacción dos “i-responsables” xestores do Servizo de Prevención e Defensa Contra Incendios Forestais (SPDCIF) que, nun alarde continuo de ineficacia, teñen aos traballadores/as deste servizo (Técnicos, Axentes e demais persoal das Brigadas) traballando nas condicións máis caóticas que se recordan.

Descargar nota de prensa

AXENTES FORESTAIS / MEDIOAMBIENTAIS. ANTE A INAMOBILIDADE: ACCIÓN

2011-07-28T19:15:00.000+02:00

CCOO denuncia a actitude arbitraria e irresponsable da Dirección Xeral de Montes ao non respetar o acordo de condicións de traballo dos Axentes Forestaris e Medioambientais da Xunta de Galicia.

O pasado día 30 de xuño, nun verdadeiro pinchacarneiros caciquil estableceron dende a Dirección Xeral de Montes unha instrución de comezar co período extraordinario de gardas de 12 horas.

A Orde de 21 de marzo de 2005, publicada no DOG, e que malamente transcribía o texto do acordo acadado no ano 2004 (incompleto e no que lle cortaron para a súa publicación o que non lles interesaba do acordo), establece claramente que este período de gardas quedaba establecido para os meses de xullo, agosto e setembro, máis un a maiores sen determinar e que sería obrigatorio levar a cabo tódolos anos.

Ler máis ...

CONVOCATORIA MESA XERAL EXTRAORDINARIA

2011-07-27T16:57:00.000+02:00

Convocatoria Mesa Xeral Extraordinaria 29-7-11

CCOO INSTA AO CONSORCIO A QUE SUBSTITÚA A ACTUAL DIRECCIÓN DO CENTRO POLA SÚA NEGLIXENTE XESTIÓN EN MATERIA DE PERSOAL

2011-07-26T22:33:00.001+02:00

CCOO CONSIGUE QUE O XULGADO DO SOCIAL LLE RESTITUA TÓDOLOS DEREITOS LABORAIS A DUAS TRABALLADORAS DO CENTRO DE MAIORES DE RAIRIZ DE VEIGA SANCIONADAS IRREGULARMENTE POLO CONSORCIO GALEGO DO BENESTAR

Os servizos xurídicos de CCOO de Ourense ganaron unha sentencia contra o expediente disciplinario tramitado inxustamente contra duas afiliadas traballadoras do Centro de Atención a Maiores de Rairiz de Veiga, dependente do Consorcio Galego de Servizos de Igualdade e Benestar da Consellería de Traballo e Benestar.

Descargar nota de prensa

Nota de prensa publicada por www.farodevigo.es e por www.laregion.es

RESUMO COMISIÓN DE PERSOAL DO 20/07/201

2011-07-23T22:34:00.001+02:00

Poñemos á vosa disposicion a nota informativa da xuntanza da Comisión de Persoal do Persoal Funcionario e Laboral da Xunta de Galicia, que tivo lugar 20 de xullo de 2011 coa seguinte orde do día:

1.- RPTs Veterinarios.

2.- RPT Augas de Galicia.

3.- Proposta de bases do concurso de traslados da escala de veterinarios.

4.- Proposta de bases pola que se convocan procesos selectivos para o ingreso na escala de sistemas e tecnoloxía da información (A1) e de xestión e sistemas de información (A2).

5.- Proposta de bases pola que se convoca proceso selectivo para o ingreso na escala de letrados.

6.- Proposta de bases pola que se convocan procesos selectivo para o ingreso nos corpos xerais dos subgrupos A1, A2 e C2.

Ler máis ...

MEDIO RURAL VOLVE ÁS ANDADAS EN MATERIA DE SELECCIÓN DE PERSOAL

2011-07-20T20:47:00.001+02:00

NESTA CONSELLERÍA SEMELLA EXISTIR “QUERENCIA NATURAL” POLAS IRREGULARIDADES EN MATERIA DE SELECCIÓN DE PERSOAL

A Sección Sindical de CCOO de Medio Rural ven de presentar escrito de denuncia ante a Xefatura Territorial de Medio Rural en base que, no proceso selectivo para a contratación de 33 Condutores Motombistas do SPDCIF para o reforzo de Verán da Loita Contra Incendios Forestais, Medio Rural de Ourense se detactaron diversas irregularidades no proceso de selección ao non respectar estrictamente o estipulado nas bases publicadas ao efecto de regular o citado proceso selectivo.

CCOO indica que as presas de última hora, as improvisacións, a deixadez e a falta de rigor de Medio Rural poideran ocasionar que moitos aspirantes a esas contratacións se vexan en certa situación de indefensión polas irregularidades nas que a administración está a incurrir.

CCOO insta ao Xefe Territorial a que interveña con inmediatez dando as instruccións oportunas para se correxan de inmediato tódalas deficiencias e irregularidades advertidas.

CC OO rexeita as declaracións «inxuriosas» do presidente da CEOE contra as empregadas e empregados públicos

2011-07-19T20:30:00.000+02:00

Para o sindicato, detrás destas palabras «agóchase o desexo de privatizar os servizos públicos»

Comisións Obreiras rexeita as declaracións «inxuriosas» do presidente da CEOE, Juan Rosell, contra as empregadas e empregados públicos, a quen cualificou de «prepotentes e incumpridores». En opinión da organización sindical, tales afirmacións colocan o colectivo en «situación de indefensión».

O sindicato, amais de rexeitar estas consideracións, lémbralle a Rosell que as empregadas e empregados públicos son un «amplo colectivo» que abrangue numerosas profesións, tales como a de profesor, médico, policía ou bombeiro, entre moitas outras. Todos eles, «profesionais que cumpren o seu cometido e prestan servizos esenciais para a cidadanía», sinala Ramiro Otero, voceiro da Área Pública de CCOO de Galicia.

Para Otero, por tras destas palabras «agóchase o desexo de privatizar os servizos públicos», que, por outra parte, «é o que o PP está a perseguir naquelas comunidades autónomas onde goberna».

COMISIÓN DE PERSOAL DO 20/07/2011

2011-07-18T23:12:00.002+02:00

Orde do día. Comisión Persoal

CONVOCATORIA MESA XERAL EXTRAORDINARIA

2011-07-12T20:10:00.005+02:00

Convocatoria

COMITÉ INTERCENTROS SEGURIDADE E SAÚDE

2011-07-11T09:14:00.003+02:00

Na xuntanza que tivo lugar 22 de xuño no Comité Intercentros de Saúde Laboral, tratáronse os seguintes puntos:

1.- Sinistralidade desde xaneiro a maio deste ano. Tivemos ata agora un total de 105 accidentes.
2.- Protocolo de actuación frente o acoso laboral.
3.- Nomeamento dos novos delegados e delegadas de prevención.

Ler máis ...

XUNTANZA NEGOCIACIÓN RPT E BASES CONCURSO TRASLADOS ESCALA VETERINARIOS

2011-07-08T09:16:00.003+02:00

SERVIZOS VETERINARIOS OFICIAIS XUNTA DE GALICIA.

O día 5 de xullo houbo unha reunión co director e co subdirector xeral de Función Pública na que fixeron entrega do borrador das bases do concurso e o escrito de contestación das consellerías ás alegacións presentadas polas organizacións sindicais, a proposta de RPT.

Ler máis ...

Descargar contestación das consellerías ás alegacións de CCOO á RPT

CCOO AUGURA EN GALICIA UNHA CAMPAÑA DE DEFENSA CONTRAINCENDIOS FORESTAIS CAÓTICA

2011-07-07T09:08:00.005+02:00

CCOO CUALIFICA DE IRRESPONSABLE A FALTA DE POLITICA PREVENTIVA, E DE TEMERARIO O RETRASO NO DESPLEGAMENTO DO DISPOSITIVO DA EPOCA DE MÁXIMO RISCO

A Sección Sindical dos Axentes Medioambientais de CCOO de Galicia fan un pronunciamento sobre as graves eivas na defensa contra incendios forestais da Tempada de Alto Risco de 2011.

A Sección Sindical de Axentes Forestais de CCOO de Galicia prevé que a extinción de incendios deste verán será caótica debido ao nefasto sistema de xestión dos medios que está levando a cabo a Consellería de Medio Rural e advirte que non se fixeron tarefas preventivas de rozas nos puntos de grande conflitividade de lumes. Manifestan que, como non se fixo apenas ningunha prevención, nin planificación, “teremos que encomendarnos á Virxe da Cova e esperar que chova ao longo deste verán, xa que será a única maneira de que non se produza unha catástrofe incendiaria semellante á tristemente acontecida no ano 2006”.

Descargar nota de prensa

Información recollida por:

Europapress.es

El Progreso

20 Minutos

XUNTANZA NEGOCIACION DECRETO E ESTATUTOS CREACIÓN AXENCIA PARA A MODERNIZACIÓN TECNOLÓXICA DE GALICIA

2011-07-06T09:17:00.002+02:00

O pasado 28 de xuño tivo lugar unha xuntanza para a negociacion do decreto e dos estatutos de creación da Axencia de Modernización Tecnolóxica de Galicia, dependente da Secretaria Xeral de Modernización (Presidencia da Xunta de Galicia).

Nesta xuntanza infórmannos que a creación desta Axencia realizarase en tres fases que rematarán coa integración de todo o persoal que traballe en tarefas de tecnoloxías de información.

Ler máis ...

CCOO CRITICA A FALTA DE RIGOR E AS IMPROVISACIÓNS DO TRIBUNAL DE SELECCIÓN DA OPE DE LEGOEIROS

2011-07-05T09:31:00.002+02:00

O pasado sábado dia 25 de xuño celebrouse o exame da OPE de legoeiros da Xunta de Galicia. Pois ben, analizados tanto os contidos da proba coma o seu desenvolvemento, temos que concluír que o tribunal de selección actuou carente de rigor e improvisadamente nos seus cometidos de elaboración, redacción e desenvolvemento da proba de selección.

Descargar nota de prensa.

CAMPAÑA DE MÁXIMO RISCO DE INCENDIOS FORESTAIS 2011: O QUE MAL EMPEZA MAL ACABARÁ…

2011-07-04T11:53:00.002+02:00

CCOO RESPOSABILIZA A MEDIO RURAL DESTA DESORGANIZACIÓN

O 29 de xuño CCOO remitiu, dende a Sección Sindical da Consellería de Medio Rural, unha nota de prensa ao medios de comunicación na que denunciaba a improvisación, un ano mais, no despliegue do dispositivo da loita contra incendios forestais para a campaña 2011.

o Plan de Incendios de Galicia 2011 (PLADIGA) foi aprobado a principios de xuño cando a data “normal” de publicación viña sendo a principios de abril.

Descargar nota de prensa.

TRIBUNA XUÑO 2011

2011-06-30T18:03:00.003+02:00

O artigo da portada do noso Tribuna do mes de Xuño faise eco de que certos medios e sectores conservadores que cos seus ataques calumniosos ao sindicalismo perseguen debilitar un dos pilares básicos do sistema democrático, a lexítima representatividade dos traballadores e traballadoras.

O sumario é o seguinte:

Pax. 1) Sindicalismo democrático: transparente, útil e necesario.
Pax. 2) Que máis lles da, se os carnos non son seus.
Pax. 3) ¡¡¡ Últimas novas!!!: Concursos de traslados, FAS 2010, horario verán, OPE 2009, etc.
Pax. 4) Porque lle chaman reestructurar, cando o queren dicir é privatizar.

ADMITIDOS E EXCLUIDOS CONCURSO TRASLADOS GRUPO V

2011-06-29T09:39:00.002+02:00

No DOG do día 28 de Xuño do 2011 publicase a resolución pola que se fai pública a relación provisional de admitidos e excluídos do concurso 01/2011 para a provisión de postos de traballo vacantes do grupo V de persoal laboral da Xunta de Galicia, convocado pola Orde do 14 de abril de 2011.

A lista de excluídos (coa súa causa de exclusión) figura como anexo a esta resolución, neste mesmo DOG.

Ler máis ...

LISTAS DE CONTRATACIÓN DECRETO 37/2006

2011-06-22T09:22:00.003+02:00

No DOG do 17 de Xuño do 2011 publicouse a actualización definitiva de méritos correspondente ao ano 2010 das listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.
Fixose pública a actualización definitiva de méritos, con indicación da puntuación total, unha vez incluídos os novos méritos dos solicitantes integrantes das listas para a cobertura con carácter transitorio de postos de traballo reservados a funcionarios correspondentes aos corpos e escalas que se especifican no anexo I desta resolución e dos incluídos nas listas para a cobertura con carácter transitorio de prazas reservadas a persoal laboral correspondentes aos grupos e categorías que se inclúen no anexo II.
As listas atópanse á disposición dos interesados no Servizo do Rexistro Xeral e Información da Consellería de Presidencia, Administracións Públicas e Xustiza, nas oficinas de Rexistro e Información dos edificios administrativos da Xunta de Galicia, nas oficinas comarcais da Xunta de Galicia e tamén poden consultarse na páxina web da Dirección Xeral da Función Pública.

CCOO GANA AS ELECCIÓNS SINDICAIS DOS EMPREGADOS PÚBLICOS DA XUNTA NA PROVINCIA DE OURENSE

2011-06-18T13:29:00.008+02:00

CCOO revalida con un amplo marxe a súa condición de primeira forza representativa entre o persoal laboral

CCOO conseguiu maioras absolutas nos comités de emrpesa das Consellerías de Presidencia, Cultura, Sanidade e Educación.

Rematado onte o último proceso electoral da Xunta de Galicia, na Consellería de Sanidade, CCOO revalida a súa condición de primeira forza sindical no ámbito da administración da Xunta de Galicia en Ourense.

Das oito consellerías nas que houbo eleccións na provincia de Ourense, CCOO obtén catro maiorías absolutas, nos Comités de Empresa das consellerías de Presidencia, Cultura, Sanidade e Educación, sendo ademais o sindicato máis votado nas consellerías de Medio Ambiente e de Medio Rural.

Descargar nota de prensa